ХАТЛОН. Мутобиқ ба нақшаи кории ТҶҶ “Созандагони Ватан” дар шаҳри Кӯлоб бо хонандагони ҷавонони шаҳр суҳбат бо мақсади ташаккули мафкураи сиёсии онҳо таҳти унвони “Садоқат ба Ватан мароми мост!” доир карда шуд. Зимни мулоқот мудири шуъбаи кор бо занони Кумитаи иҷроияи ҲХДТ, роҳбари ТҶҶ “Созандагони Ватан” дар шаҳри Кӯлоб Мунаввараи Бозоралӣ иштирок ва суханронӣ намуд. Мунаввараи Бозоралӣ дар баромад худ қайд кард, ки аксари аҳолии Тоҷикистонро ҷавонон ташкил медиҳад, ки онҳо давомдиҳандаи кору фаъолияти насли калонсол неруи созанда ва иқтидори воқеии пешрафти ҷомеа, хулоса ояндаи миллат ва давлат мебошанд. Аз ин ру зарур аст, ки ҷавононро дар роҳи дуруст тарбия карда, мафкураи сиёсию фарҳангии онҳоро ташаккул диҳем. Дар охир таъкид гардид, ки ҷавононро лозим аст баҳри баланд гардидани сатҳи худогоҳию хештаншиносӣ ҳисси ватандустию меҳанпарастӣ ва ҷиҳати афзун намудани ташаббусҳои навину созанда ҳамчун фарзанди содиқи Ватан саъю талоши бештар намуда, дар рушду пешрафти Тоҷикистони азизамон нақши муҳиму арзишманд гузоранд.
Фикру андешаи худро нависед.
Назарҳо