Ҷавонон - ояндасози давлату миллати тоҷик мебошанд
ХАТЛОН. Дар доираи ҷадвали Ташкилоти Ҷамъиятии Ҷавонон “Созандагони Ватан”дар ноҳияи Балҷувон бо ҷавонони деҳаи Девдори Ҷамоати деҳоти ба номи Сайф Раҳим миёни суҳбату вохўрӣ оид ба баланд бардоштани сатҳи дониши ҷавонон, ташаккул додани мафкураи ахлоқии онҳо, дар амал татбиқ намудани Қонуни Ҷумхурии Тоҷикистон “Дар бораи масъулияти падару модар дар таълиму тарбияи фарзанд” ва дигар масоили марбут ба таълиму тарбияи дурусти насли наврасу ҷавон аз тарафи роҳбари намояндагии Ташкилоти Ҷамиятии Ҷавонон “Созандагони Ватан” баргузор гардонида шуд.Ба ин хонандагон 26-нафар омўзгорон дарс мегўянд. Мавриди зикр аст, ки дар суҳбат роҳбари ТҶҶ “Созандагони Ватан” Муродова М. қайд намуданд, ки Асосгузори сулҳу ваҳдати миллӣ-Пешвои миллат,Раиси муаззами ҲХДТ муҳтарам Эмомалӣ Раҳмон ҳангоми қабули Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” изҳор дошта буданд, ки фарзанд меваи умри одамизод аст.То замоне, ки ҷон дар бадани инсон аст, набояд ў аз таълиму тарбияи фарзанд канораҷўӣ кунад. Ёдовар намуданд, ки таҳлилҳои мутахассисон нишон медиҳад, ки солҳои охир сатҳи таълиму тарбияи фарзандон то андозае паст рафтааст, ки баъзе аз падару модар ба ин масъалаи мухим беътиноӣ зоҳир мекунанд ва ин боиси он мегардад, ки онҳо бе назорат монда,субҳу шом дар кучаю хиёбонҳо, марказҳои дилхушӣ, бозиҳои компютерӣ вақти худро гузаронида, ҳатто ба мактаб намераванд.
Хабарҳои нашршуда
Назардиҳӣ
Фикру андешаи худро нависед.
Назарҳо